Kiew IAS, 2 ngut ki MCS

Shillong, 23 ’lyngkot:
Ar ngut ki ophisar MCS kynthup u Bah Himalaya Muktan Shang pliang bad u HB Marak ki la shah pynkiew kyrdan ha ka sorkar sha ka kyrdan Indian Administrative Service (IAS).
Ia kane ka jing pynbna la pynmih da ka sorkar ha kane ka sngi Thohdieng. U Bah Shangpliang bad u Marak ki dei kiba pas ia ka MCS ha u snem 1987.
U Bah Shangpliang u dei u director ba mynta ka tnad Social Welfare department bad ka tnad Directorate ka Information & Public Relations katba u Marak u dei u Joint Secretary ka tnad Revenue bad Disaster Management.