Shillong:Ka sorkar jylla, ka la pynmih mynta ka sngi, ia dor bai kali, kaba la dep rai, naduh ka 13tarik Kyllal yngkot 2020.
Ka dor ba la pynmih, ka dei ia ki taksi kamai ha ka nongbah Shillong, ha kaba la pynmih, da ka tnat ka kit ka bah, lyngba ka hukum jong ka sorkar, kaba Government vide Notification No. TPT.91/80/749, dated 13th January , 2020.
Katei ka bai taksi, ka long T.26.00 na bynta ka jingleit kaba sdang kaba shi kilometre bad hadien ka shi kilometre, yn shim tang sa T.13 lane kaba mut, ba lada u nongleit jingleit, u leit ar kilometre, un hap ban siew bai taksi, kaba long T.39.00, na bynta ka taksi baroh kawei.
Ka dor ban siew, haba phah ap ia ka taksi, ka long T.7 ha man ka san minit lane katba nang jlan ka por, ba phah ap ia ka taksi.
Ha kajuh ka por, ka sorkar jylla, lyngba ka hukum, kaba 13tarik Kyllalyngkot 2020, ka pynmih ia ka hukum, lyngba ka jing pynbna jong ka sorkar, kaba Government vide Notification No. TPT.91/80/749, dated 13th January , 2020, ba ka bai auto rickshaw, ka dei ban long T.14 na ka bynta ka jingleit kaba shi kilometer bad nangta sa T.6 lada bteng ia ka jingleit, hadien ka shi kilometer lane kaba long T.20, lada bat ia ka auto rickshaw, ha ka jingleit kaba ar kilometre. Ban phah ap ia ka auto rickshaw, dei ban siew T.6 na ka bynta san minit lane lada nang pynjlan shuh shuh, hap siew tam katba kum katei ka dor sorkar.
Ka hukum, kaba la pynmih da U District Transport Officer, East Khasi Hills, ka kren shai, ba katei ka dor, ka trei kam, na ka bynta ki nongshong kali, kiba hapoh saw ngut, ia ki taksi bad 3 ngut ia ki auto rickshaw.
Kane te ka dei ka dor meter system imat ym ka dor passenger.
6KM ka poi katno ka bai kali.
Namar ngi ba shong kali tang 6KM ki shim bai kali 40 tyngka, yn leh kumno haba ia dei bad kane hap ujar sha police department ne kumno ne?.
Ka bai kali na ka bynta 6 km kan long 91 tyngka katkum ka dor sorkar.