Shem jingeh ki paidbah, ba shlei ki nar um ha Ïewduh

Shillong:Ka jingbym lah ban maramot ïa ki pipe um hapoh Ïewduh ka la wanrah ka jingeh ïa kiba bun ki paidbah khamtam kito kiba wan sha ïew namar ka jjngpei jong ki pipe.

Haba ïadei bad kane haba kren bad u nongthoh khubor na ka liang jong kiba bun ki nongshong dukan ki la pynpaw ïa ka jingeh khamtam ha kaba ïadei bad ka jjngpei jong ki pipe.

“Ha kaba ïadei bad kane ka bynta ngi dap da ka jingsngew khia namar ka jingpei jong kine ki pipe um bad ngi kyntu ïa ka Hima Mylliem ban shim khia lem ha kaba ïadei bad kane ka bynta,” ong ki katto katne ngut ki nongshong dukan haba kren bad u nongthoh khubor.

Ha kawei ka liang na ka liang jong ki paidbah kiba ïaid na ka tei ka jaka ki la pynpaw ïa ka jingsngew khia ha ka kaba ïadei bad ka jingbym lah ban shim khia jong ki bor ba dei peit ha kaba ïadei bad ka jingpynbha ïa ki pipe um kiba la ktah bha ïa ka ïaid ka ïeng jong ki paidbah khamtam ki nongwan ïew wan Hat bad kane ka la wanrah ka jingeh bad kumjuh ruh ka jingkteh ïa ka lynti ba ïaid ki paidbah.