Shillong:U President jong ka Party United Democratic Party, u bah Metbah Lyngdoh, u la ong ba ha kane ka kynti, ka party kan ioh ia ka jing jop ha ka MDC elekshon ka ban sa long ha Garo Hills Autonomous District Council ha u bnai Iaiong 2021.
Haba kren ha ki lad pathai khubor, u bah Metbah u la iathuh ba na ka liang jong u, u la leit ban kynduh ia ki nongkitkam jong ka party UDP ha West Garo Hills bad ha East Garo Hills bad ka don ka jingkyrmen ba kin sa ioh jing jop ha kane ka kynti kaba mynta. U la iathuh ba kumba ka long mynta la dep ban pynbna ia ki lai ngut ki kyrtong na ki lai tylli ki Constituency bad ka party ka dang khot shuh shuh ia ki application la ki dang don kiba kwah ban ia khun ia ka elekshon MDC na ka party UDP bad ka jingpdiang ia ki application kan long haduh 23/2/2021.
Na ka liang ka party ka la dep ban thaw ia ka Commitee ba kan pynkhreh ia ki kular elekshon sha ka iing dorbar jong ka GHADC.
Phi don ban ong eiei?