Kyllon U MR ka Gujarat, haba kanbas elekshon,dei ba don jingpang covid

U Vijay Rupani, myntri rangbah ka Gujarat, mynta ka sngi, ula ioh ia ka jingpang khlam covid 19 bad mynta, u don ha ka jingshah sumar ha ka UN Mehta Hospital ha Ahmedabad.

Hynnin ka sngi, U Rupani, uba kanbas na bynta ka Vadodara Municipal Corporation (VMC) elekshon, ula kyllon ha ka jaka jong ka jingialang paidbah, katba u dang kren.

U Dr Jigeesha Seth, uba dei uwei na ki nongialam BJP, ula leit ban iarap ia U Rupani bad la leit rah da ka liengsuin ia u myntri rangbah na Vadodara sha Ahmedabad. La iathuh ba U Rupani, u don ha ka jingpang khieshoh, kaba la neh la katto katne sngi bad ula leit sha katei ka jingialang, na ka jingkhroh eh, ki nongialam seng.