Ka Northeast United FC(NEUFC) ka la pynliem noh ia ka Odisha FC da 3 – 1 ha ka sngi u Blei bad kiew sha ka kyrdan kaba lai ha ka Indian Super League(ISL) kaba la long ha Tilak Maidan Stadium ha Vasco.
Katkum ka khubor ba la ioh lum ha kane jingialehkai, ka kol ba la thep da u Luis Machado bad ka kol ba la thep da u Deshorn Brown ka la pynlong ia ka Northeast United FC ban kiew sha ka kyrdan kaba lai.
Katba na ka liang ka Odisha FC pat, u Bradden Inman u la thep ia ka kol kaba nyngkong na kane ka team.
Mynta hi ka Hyderabad FC bad ka Goa FC ki don ha ka kyrdan kaba saw bad ha ka kyrdan kaba san.
Ka NEUFC ka la lah ban wan khmat kine ki artylli team na ka bynta ka jaka ha ka top four hadien ba ka la lah pynliem noh iaka Odisha FC da 3-1.
Ka NEUFC ka la ioh ban thep ia ka kol kaba nyngkong jong ka ha ka 9 minit da u Luis Machado. Hadien kumba shiphew minit, u Deshorn Brown u la ban thep sa ia ka kol kaba ar hadien ka jingiakhun bad u Federico Gallego uba dei u rang ialehkai uba hakhmat jong ka Goa FC.
Hadien katto katne minit, ka NEUFC ka la ban thep syndon ia ka kol kaba lai ka jong ka da u Luis Machado.
Ka Odisha pat ka la lah ban thep ia ka kol kaba nyngkong jong ka ha shwa ban kut ka kylla kaba nyngkong.
Ki nongialehkai ka Odisha FC ki la lehkai da kaba tyngeh haduh ban da kut ka game hynrei ka NEUFC ruh ka khlem shim la ailad haduh ban da rah syndon ia ka jingjop.
Phi don ban ong eiei?