Shillong: Hadien ba lah ioh ia ka jingud na ki para nonghikai, ka Meghalaya SSA Scho ols Association, ka pynpaw ia ka jing sngewkhia halor ka jing khot pakhang kali, kaba 48 kynta da ka Meghalaya Joint Action Committee of Commercial Vehicles (MJACCV) ha baroh kawei ka jylla ka ban sdang naduh 5 baje mynstep ka 15 tarik u Rymphang kumba lah paw ha ki lad pathai khubor.
Kane ka pakhang surok jong ka Meghalaya Joint Action Committee of Commercial Vehicles (MJACCV) kan sa ktah ia ki Nonghikai kiba kynthup naduh ki nonghikai SSA, Deficit bad Govt ki ban sa ialeh ia ka exam Diploma in Elementary Education (D.El.Ed) jong ka National Institute of Open Schooling (NIOS) ka ban sdang naduh ka 16 tarik haduh 26 tarik u Rymphang mynta u snem.
Kumta na ka liang jong ka synjuk lyngba kane ka kyrwoh khubor, ka buh ka jingkyrpad ia ka Sorkar Jylla bad ruh ia ka MJACCV ban pynbeit noh ia kine ki kynrum kynram khnang ba kan yn buh jingeh ia ki nonghikai bad ba kin ioh ban leit thoh ia ka exam jong ki, ong ka kyrwoh na U bah Aristotle C Rymbai President, Meghalaya SSA Schools Association, Central Body.
Phi don ban ong eiei?