Shillong:U MLA ka Umroi Bah George B Lyngdoh u la plie pyrda ia ka jingrakhe lyngkhuh snem ka jingiaid lynti ka CoRP ban jam ia u Mawmer ba 25 snem da ka ‘Talent Show’ ha ka sngi saitjain, ha ka jingiadonlang u President Seng Kmie Bah Bandari Ryntathiang, Rangbah Shnong Umroi Nongrah Bah P Dkhar, Bah MD Syiem, Rolan lyngdoh president Nongpoh Circle, ki dkhot ka CoRP Central Body, Central Zone, ki dkhot jong ka Eastern Zone, Raid Mawbuh Circle, kumjuh ruh ki dkhot ka CoRP Women Wings bad ki paidbah.
Ka CoRP ka la sdang ia ka jingrakhe dap 25 snem da ka Talen Show ha shnong Umroi Nongrah, kum shibynta ban plie lad ia ki khynnah samla kiba don ka sap ka phong ha ka shad ka rwai bad kiwei. Ka CoRP kan pynlong ia ki prokram bapher bapher ha kylleng ka Ri Bhoi District ka banneh shisnem lynter kum shimbynta ban rakhe ia ka jingdap 25 snem ka seng bad yn pynkut da ka jingialang bah ha Nongpoh ha ki bnai tlang mynta u snem.
Ha kane ka sngi, ki khynnah samla ki la shim bynta shitrhem ia ki jingiakop shad bad rwai ban pynphuh pynphieng ia ka prokram ba la pyniaid da ka CORP Eastern Zone bad ki nongiashim bynta ki la don haduh 28 ngut kynthup ia ki nongrwai, nongshad bad kumjuh ruh ki Beat Box. Ka CORP ka la pyntip ba ia ki prokram pyni sap yn pynlong ha man ki Area ne ki Raid bad kiba jop na ki Raid ne Area yn sa rah sha Nongpoh ha ka sngi pynkut ia ka Silver Jubilee la ong u President ka CORP. Kiba pyniaid (host) ia ka prokram ki long I Kong Pynjanai Kharsyntiew bad Bibiana Lyngdoh.
Ha kane ka jingiakop pynisap ha Nongrah, banyngkong la rah da I Bapynjanai Thabah, ba-ar la ioh rah da I Samla Eusivia Susngi ba la pyni ia ka sap shad, bad balai
La rah da i Samla Laplielad Laloo ba la shim bynta ha ka jingrwai. Kiba ioh rah ia ki consolation prize 1. Jame & groups, 2.Dahoini mawlieh 3.Daiamon Makhroh 4. Sain burom Laloo 5. Eubiangla Susngi.
Kane ka long ka long katkum ka kyrwoh khubor ba la phah da u Publicity Secretary CoRP Central Body Bah Balan Jalong.
Phi don ban ong eiei?