Shillong:Ka kynhun jong ki nongniah kali ki ba kynthup ia ka Smit Taxi driver Assiociation, Nongmynsong Taxi Assio ciation, Mawlong Taxi driver Assiociation bad Ryn jah Taxi driver Assiociation kiba don hapoh jong ka shatri jong ka All Meghalaya Commercial Vehicle owner Driver Assiociation ki la iathuh ba kin sa sangeh noh ka jingiakhih, ynda ka Cabinet ka la pdiang ia ka bai shong kali thymmai.
Haba iakren bad ki lad pathai khubor, u bah Pynsuk D.Iuroi, u la iathuh ba hynnin ka sngi ki la ioh ban ia kren sani halor ka jingdonkam ban pynkiew noh ia ka bai shong kali, namar kim hun ia ka dor ba la pynmih da ka sorkar ha u snem 2020 bad ka jingdawa jong ki kan long beit ban pynkiew ia ka dor kumba 30% na ka dor barim.
La iathuh ruh ba ha ka jingiakynduh bad ka Deputy Commissioner ha ryngkat ka jingdon ryngkat u DTO, ki la ioh ban pynsngew ia ka jingeh bad namar ba ka jingiakhih jong ki ka la long 10 sngi mynta ka la ktah shibun ym tang ia u paidbah, hynrei wat ia ki nong kamai kali ruh.
“Na ka liang ka Deputy Commissioner,hynnin ka sngi hadien ka jingiakren bad ka seng ka iahap ia ka jingai jingmut ban pynkiew ia ka bai shongkali, ha kaba ka la iathuh ba kan sa phah sha ka sorkar ban ai jingmynjur bad mynta ngin ap sa tang ka jingmynjur jong ka Cabinet ngin sa sangeh noh ia kane ka jingiakhih” u la iathuh.
U la kyntu ruh ia ka sorkar ba kan shimkhia noh mardor ia kane ka kam, namar ba kane kam ktah tang ia ki nongniah kali hynrei wat ia u paidbah bad khamtam ia ki khynnah skul kiba la jan ka exam.
Haba ma phi ki nongniah Kali phi la pan pynheh bai kali Te ngi ki nongshong Kali pat ngin leh kumno. Hato kam dei ngi ruh ngin ia strike noh?