Seisoh ka khang kyiad ka Pomura

Shillong, 21 ’lyngkot:
Ka Dorbar shnong Pommura ka ba la long ha ka 29tarik Nohprah 2014 ka la rai ban khang syndon ia ka kyiad ia ka ba la sdang na duh ka 11 tarik 2015 bad khnang ba ki paidbah ka shnong ka la pynbna ia kane ka rai.
Ha katei ka Dorbar ba ladep ka shnong ka la rai ban pyllait tang ia ki Wine store bad kino kino ki briew kiba thied na ka wine store ruh kim dei shuh ban ia dih hapoh u pud u sam ka shnong pommura bad la khang ruh ban leh ia kino kino ki kam jakhlia bad lada lap ia kino kino ki ba pynkhein ia ka adong ka shnong kan leh ia ka ba donkam katkum ba la rai ha katei ka Dorbar.
Na ka liang jong ka shnong ka la ai khublei kyrpang ia ka seng samla shnong bad ia ka FKJGP pommura Unit kiba la shimkhia ban pynlong ia ka jingpynshai paidbah bad ka Rally halor ka jingsniew ka kyiad ka ba la wanrah ia ka jingsngewkhia ki longkmie, longkpa, samla ki ba la mih paidbah ha ka Dorbar ban kyrshan ratbah ban khang kyiad syndon ia ka ba la treikam pura mynta bad ka shnong ka ai khublei ia ki longkmie ki samla ki longkpa ki ba la mih bad trei shitom bha ban peitngor ia ka shnong ka thaw na ka bynta ka bha ka miat jong ka shnong ka thaw bad ka imlang ka sahlang.
Kane ka long katkum ka kyrwoh khubor na u Bah Bristar Mawthoh Finance Secretary Dorbar shnong Pommura.