Iaid paidbah sa ki nongniah kali kamai na Upper Shillong, ban dawa pynhiar dor noh ia ka petrol bad diesel

Shillong: Mynta ka sngi ka 9 tarik u Rymphang 2021, la iohi sa ia ki nongniah kali kamai na Upper Shillong kiba la ia iaid paidbah ban pyrta shlan ia ki jingdawa kiba ki dawa na ka Sorkar Jylla ha kaba iadei bad ka petrol bad diesel ha ka Jylla.

Kine ki nongniah kali kamai ki la mih sha surok ban iaid paidbah ryngkat bad ki placard kiba ki la dawa na ka sorkar ba ka dei ban pynhiar noh mardor ia ka dor jong ka petrol bad diesel. Hadien kane ka jingiaid paidbah ka jong ki, ka la don sa ka jingialang, ban pyni ia ka jingsngewkhia ka jong ki ban iohi ba ka sorkar ka iai sngap mynthi sah haduh ka sngi ba 7 jong ka jingiakhih jong ki seng kiba na kane ka jylla kiba la iakhih naduh ka 3 tarik mynta u bnai ha kaba ki kali kamai, baroh ki la sangeh kamai ha baroh kawei ka jylla.