Kwah U DG, ïa ki samla ban ïoh rung khambun hapoh NCC

Shillong:U Lt Gen T K Aich, AVSM, Director General NCC u la leit ban jngoh ïa ka NCC Directorate North Eastern Region naduh ka 5 tarik mynta u bnai haduh ka 8 tarik mynta u bnai, snem 2021.

Ha jingleit jngoh u tei u DG u la ïaroh ïa ki kam ba la leh da ka NCC Directorate North Eastern Region halor ka jinglah ban leh ha ka RDC 2021 ha ka lah ban poi sha ka kyrdan ba 4 hapoh baroh kawei ka India ha ka sien kaba nyngkong eh.

U tei u DG u la ïakren ruh kham bniah kumno ban pynïar ïa ki thaiñ khappud kum shi bynta na ka thmu jong u Myntri Rangbah duh ka ri kum shi bynta ban pynïar ki jingtrei kam ka NCC sha man la ki kyndong kynshrot jong ka ri.

U DG u la banjur halor ka jing donkam ban don bynta bad ïoh rung khamtam ki khun samla ha ka thaiñ Shatei Lammihngi hapoh ka NCC.
U DG u la leit ban jngoh ïa ka Shillong Group Headquarter bad u la shim bynta ruh ha ki jingleh burom ki Guard. U la banjur halor ka jingdonkam ban thaw ïa ka NCC training academy ha Meghalaya na ka bynta ban ïoh jinghikai kum ki cadet bad ban buh ruh ki camp.

Na ka liang u DG kumjuh u la leit kynduh ruh ïa u Lat ka jylla Meghalaya u Sri Satya Pal Malik bad u la ïathuh ruh ha u halor katei ka thmu ban pynïar ïa ka NCC hapoh jylla Meghalaya.