Uwei u jhur ar tyngka ruh ym pat ioh, ong ki nong iew

Shillong: Ki kong nongiew ki ong ba ki donkam tang ka bishar hok bad kum u Bah Prestone, u Conrad Sangma bad kiwei kiwei kiba don ha ka Sorkar ki dei ban ithuh ia u paidbah, namar ki dang donkam ia u paidbah bad lada kim donkam shuh ia u paidbah ki ruh kin nym thep vote shuh ha ka por elekshon.

Ki nongiew kiba ia lum lang mynta ka sngi ha Motphran, ki la ong ruh, “Ngi la sngew kum ki nongkhrong ba shong ha surok, ngi la kham pohjait man mangi ki paidbah, te lada ka sorkar ka kheiñ ia ngi ba ngi pohjait haduh katta katta, u mat sa pyrkhat pat ha kawei ka elekshon ioh u donkam pat ia ngi ki paidbah.”

Shuh shuh ki la ong ba lada u paidbah um thep vote ka Sorkar kam ioh shong shuki satia te kumta ka dei ban pyrkhat bha ia u duk u suk. Ka kali ka dei kawei kaba donkam man la ka sngi ban rah, ban kit, ban leit, ban wan. Na ka liang jong kine ki kong nongiew ki la kypad ba ka sorkar ka dei ban pynhiar marshiteng ia ka petrol bad diesel ha ka jylla.