Ka jing pynkordit

AIS Suja

Ka jingpynkordit, na ka daw ba ki Israel ki la kyntait ia u Messaiah (Jisu) ka la long 1875 snem kata naduh u 70 AD- 1945 AD. Ki la kyntait ia la u Messaiah na kidaw ki jingbym ngeit jong ki ia u. naduh mynba u la wan sha kane ka pyrthei ha u snem 3 B.C- 32AD kaba mut naduh ba la kha ia u Jisu haduh ka jingkiew noh jong u sha bneng ha u lyoh.

Ka jingpynkordit ia ki Israel kamdei shuh kaba kai naduh 1875 snem, te khein katno pateng bynriew. Ka jing pynkordit ka long ka jingtim (cursing). Ki Israel ki la jied hi ia ka jingtim (cursing) naba ki la kyntait ia u Messaiah. Naduh mynnyngkong u Blei u la kren ha ki Israel la kin jied ia ki jingkyrkhu (blessing) ne ia ka jingtim (cursing), hynrei ki la jied ia ka jingtim namar ka jingbym kohnguh jong ki hi. Ka ktien u Blei ka kren, thik ka la long kumta. Deuteronomi 28:15-68. Pule ia kane ka lynnong bad ki dkhot baroh phin shem ia ka jingtim halor ki Israel na ki daw jingbymkohnguh ia u Blei. Ki Israel ki la shem ia ka kordit sat 1875 snem khlem nong isynei khlem nong pyllait namar u Blei u la kren. Kumta hadien 38 snem bad ha u snem 70 AD hadien ka jingkiew noh u Jisu shabneng, ka jingpynkordit bad ka jingtim ka la ngat halor ki Israel baroh ha kaba la pynjot noh ia ka nongbah Jerusalem bad ia ka Temple khlem da ieh noh maw halor u maw kumba u Jisu u la dep kren, Mathaios 24:1-2.

La pynjot ia ka Jerusalem ha u 70 AD da ki shipai Roman hapoh ka jingialam u Titus, ba la pyniap haduh 6 million ngut ki Israel da u Adolf Hitler ka Germany, kata ka por ki Israel ki la long tang kum ki khnai ha ki kti u Adolf Hitler. La pyniap bad pynkordit haduh bymlah batai shuh naba u Blei u la iehnoh ia ki shipor na ki daw jing bym kohnguh jong ki hi. Shaphang kine kiei kiei ka ktien u Blei ka la dep iathuhlypa kumne: “Te hadien kiba 62 Taiew… uta u syiem uban wan un pynjot noh ia kata ka jaka kyntang (Temple ha Jerusalem)….. la thmu ia ki jingpynjot. Daniel 9:26. (Lapyndep ia kane ka jingiathuhlypa).

Ki Israel kum ka jaidbynriew ki la jot noh ha kato ka por kumba 1875 snem kata haduh 1945 AD. Ha ka kitab u Hosia la thoh: “Ia u paid jong nga (paid Israel) la pynjot noh namar bymdon jingtip”. Ki Israel kim mon ban tip aiu u Blei u la kren bad kim kohnguh. Namar me (Israel) la kyntait ia ka jingtip, nga ruh ngan kyntait ia me ba men ym ioh long Lyngdoh (priest) satia ha nga: naba me la klet ia ka hukum u Blei jong me, nga ruh ngan klet ia ki khun jong me. Hosia 4:6.

Shisha u Blei u la khot ia ka jaidbynriew Israel kumba 1875 snem, hynrei tad haduh u 1947 AD ba ki Israel ki la ioh pat ia ka Ri kynti jong ki bad ia ka Nongbah Jerusalem. Kaba mut ba kita ki por jingpynkordit ia ki Israel ka la kut ha u snem 1946 AD bad ha u 1947 AD ka UNO lyngba ka kti u Blei ka la pynioh sa shisien pat ia ka Ri Israel ha ki kti ki Jiw (Jewish people).

Ka jingioh pat ki Israel ia la ka Ri ha u 1948 AD kamdei ka Accident, hynrei dei namar ba u Blei u la ai pat ia ka ha ki hadien ka jingtim kaba 1875 snem. Mynta ngi iohi da la ki khmat ba naduh u snem 1948 AD haduh mynta ka long 72 snem thik ba ki Israel kiba lait n aka jingiap na ka kti u Adolf Hitler ki la roi parum pareh bad ki la nangkiew ha ki liang jingstad baroh khamtam ha ka science bad Technology.

Kine kiei kiei kidei ki jinglah jong u Blei ban lum pat ia ki na kylleng ki Ri ka pyrthei. Bad ka daw ka long ba ki Israel kin ioh ban pynkhreh ia ka thma pyrthei kaban sa wan namar ki Israel ki long ka Atiar thma jong u Blei. U Blei u la kren – “Ngan tei pat ia pha, bad phan long ia kaba la tei, ko Theisotti Israel”. Jeremaiah 31:4. “Pha (Israel) pha long u sdie ia pom bad ki atiar ialeh thma jong nga. Jeremaiah 51:20.

Ki Israel mynta ki lah ban ia leh thma ia ka pyrthei lada donkam namar ki la dep pynkhreh namar u Blei u kren. Kumta ngi im ha ki sngi ki ba khadduh tam bad ngi long ka pateng kaban iohi ia ka jingkhielung u Dieng dumbur (Israel).

Ka jing pynkordit ka la kut, kin pynkordit ma ki pat ia ka pyrthei namar u Blei u kren. Amen.