Shillong: Ki pulit ka Jhalupara beat house mynta ka step ki la leit tam ia kawei ka metiap ka bym ithuh shuh na rud surok jong ka sawmer shiteng.
Kat kum ka jingtip ba la iohlum ka long ba kane la metiap ka lah ban dei jong u shynrang briew.
Kat kum ka jingiathuh jong ki nongialam shnong ka long ba ym shem la tip ba kane ka metiap ka don naduh mynno ha kane ka jaka.
Na ka liang U Rangbah Shnong, ka Sawmer, u bah Moris Shabong u la iathuh ba la lap nyngkong ia ka ne ka metiap da ki nongtrei jong ka Forest ki ba dang thmu ban shna ia ka kynroh ha ka ne ka jaka.
Hadien kane ki la pyntip ia ki bor shnong bad na ka liang ka bor shnong ki la pyntip mardor sha ki pulit.
Na ka liang ki pulit ki la wan ban shim ia kane ka metiap bad ka jingtohkit halor kane ka bynta ka dang iaid sha khmat.
Phi don ban ong eiei?