Sa 27 ngut kiba ioh pang thymmai ha ka Jylla, kiew ka Ribhoi District

Shillong: Wat la ka dawai injekshon ban pyrshah corona, ka la nang iaid shakhmat, ha ka jylla, hynrei la iohi, kumba ka jingpang corona, ka la nang kiew biang ha ka jylla, ha kine ki sngi.

Kiba ioh pang biang mynta ka sngi, ki long 27 ngut ha ka jylla bad na kitei, ki kynthup ia 7ngut ha East Khasi Hills bad ka Ribhoi District, ka kiew bha, da ka jingdon jong ki 15 ngut kiba ioh pang thymmai. Ka East Jaintia Hills, ka don 2 ngut bad ka West Jaintia Hills, ka don 3ngut kiba ioh pang thymmai.

Kiba jem na ka jingpang, ki long 9ngut bad kitei ki kynthup ia 8ngut na East Khasi Hills bad iwei na Ribhoi District.

Baroh kiba don jingpang ha ka jylla, ki long 81ngut, ha kaba 49ngut ki dei na East Khasi Hills, West Khasi Hills 4ngut, Ribhoi District 20ngut, West Jaintia Hills 5ngut, East Jaintia Hills 2ngut, West Garo Hills iwei.

Baroh kiba la jem, ki long 13,593 ngut bad kiba iap, ki long 147ngut.