Shillong: Ka jingkiewdor ka petrol bad ka diesel ha Sor Shillong ka la nang iai kiew katba dang iaid ki sngi ki por. Dang shen ki nongniah kamai kali ki la pynlong ia ka jingiakhih ka jong ki ban sangeh kamai ha baroh kawei ka jylla hadien ka jingkiewdor palat jong ka petrol bad diesel ha ka jylla.
Hynne ka sngi thohdieng, ha nongbah Shillong, ka dor jong ka petrol bad diesel ka la kiew biang. Mynta ka dor jong ka petrol ka la kiew sha ka 90.85 tyngka shi litar. Ha ka sngi palei ka dor jong ka petrol ka dei 90.54 tyngka shi litar. Ka dor jong ka diesel pat ka la kiew sha ka 83.47 shi litar ha ka sngi thohdieng. Ha ka sngi palei ka dei 83.15 shi litar .
Ka dor jong ka diesel bad ka petrol ha Sor Shillong ka dang kham heh ban ia ka dor jong ka petrol bad diesel ha nongbah Delhi, Chennai bad Kolkata.
Phi don ban ong eiei?