Ïoh jamin ar ngut, halor ka jingiap ki 6 ngut ki nongbylla tih krem dewiong

Jowai:Ar ngut ki briew kiba kynthup ia u Bison Shylla u hynmmen u Minister ka tnad Social Welfare, u ma Kyrmen Shylla bad u Tiufill Shadap ki la ioh jamin noh ha shwa ba kin shah kem ha ki pulit ka Khliehriat kiba la thwet ia ki mar sien jia ka jingiap ki 6 ngut ki nongbylla tih krem dewiong ha Dein shalalu, Rymbai Elaka.

La kynnoh ba kitei ki ar ngut kidei ki trai jong katei ka par, hynrei u Lar Bareh u la kam ba katei ka par dewiong ka dei ka jong u.
Na ka liang ki pulit ka Khliehriat ki la ujor mukotduma ia kitei ki arngut bad hadien ba ki la ioh jingtip ia kane, ki la leit kiew sha Meghalaya High Court ban pan jamin ban lait na ka jingshah kem.

Na ka liang ka Iing bishar ka la ai jamin ia ki kaba la tip kum ka Pre-arrest bail lane Interim bail. Hynrei na ka liang ka iing bishar ka la maham ia ki ba kim dei ban jahrngai hynrei ban ai ka jingiatreilang bad u Officer ba tohkit ia katei ka jingjia bad ruh ba kim dei ban pynduh pyndam ia kino kino ki sakhi ki sabut halor katei ka jingjia aksiden hapoh katei ka thliew ba la tih na ka bynta ban ioh sei dewiong ha kaba 6 ngut ki nongbylla bar jylla ki la iap.

Ka iing bishar ka la bthah ia u Officer ba tohkit ia katei ka jingjia ban wanrah ia ka Case Diary ha 17 tarik une u bnai ba dei artad ka sngi ban bishar biang ia kitei ki arngut.