Dei ka rai jong ka seng, ban pynhiar shuki, ia u myntri poh iing, ong U President BJP

Shillong:U Bah Ernest Mawrie u ba dei u President jong ka Seng Bharatiya Janata Party, u la ong ha ki lad pathai khubor, “Ka jingdawa ban pynhiar shuki noh ia u myntri kam pohiing, kam dei tang ka rai jong nga, hynrei ka dei ka rai jong ka seng Bhara tiya Janata Party (BJP)jong ka jylla, hi baroh kawei hadien ba ka seng ka la don ia ka jingialang bad ki State Office Bearer bad ha ka seng jong ngi kaba hajrong duh ka dei ka rai jong ki State Office Bearer, ha kaba ngi la dep ban pas ia ka rai kaba long pyrshah ia ka zero tolerance corruption”.

“Kum u President jong ka BJP Meghalaya nga shim ia ka jingbah khlieh jong ka jylla bad jong ka seng hi baroh kawei bad ym dei tang ialade shimet”, ong u President jong ka seng bad kata ka long hadien ba u MLA jong kane ka seng hi u la ong ba ka jingkren ban pynhiar shuki noh ia u Bah Lahkmen Rymbui ka long tang ka jingkren shimet ka jong u President, ym jong ka seng hi baroh kawei, hadien ka jingiap jong kito ki 6 ngut ha krem dewiong ha kaba u trai jong kane ka par dewiong u dei u hynmen jong u Bah Kyrmen Shylla uba long u Myntri jong ka Sorkar MDA.