Shillong:Ka State Bank Of India – Rural Self Employment Training Institute, Ri Bhoi, kaba don ha Umsning Ri Bhoi District kaba ai ia ki jait training bapher bapher na ka bynta ki paidbah nongkyndong naduh u snem 2009 ban seng kam lajong bad ban ieng hala ki jong ki kjat bad da ka jingthmu ban kyntiew shuh shuh ia ka ioh ka kot, ka kamai kajih jong ki nongrep, nong ri jingri, nongsengkam lajong bad ia ki sap ha la ki thain nongkyndong lyngba ki jinghikai ba biang eh bad paka kumno ba kin nangroi shuhshuh ha ka kam ba ki trei.
Ha une u Bnai January 2021 la pynlong ia ka jinghikai thung tit (Mushroom Cultivation), ban shet ia ki jingbam Fast Food, bad ka Financial Literacy na ka bynta ki Community Resouce Persons jong ki SHG ba pher ba pher kiba hapoh ri Bhoi District, kine ki jingai jinghikai la pynkut noh ha ka sngi saitjain 30.1.2021.
Mynta ka sngi pynkut na ka liang ka Mrs. S. Sohshang, Branch Manager MRB, Umsning Branch, kum ka Kongsan, ka la kren shaphang ka jingmyntoi jong kine ki training na ka bynta ki paidbah ba kin tip khambha shuh shuh shaphang ban pyntbit ia ka sap treikam bad ban tip ruh shaphang ki lad jingkyrshan pisa lyngba ki Banks ban kyntiew bad pynheh shuh shuh ia ka kam. Kiba don ryngkat ha kane ka sngi ki long I T. Vumzagin, Director, T. Warjri, Faculty jong ka SBI RSETI bad I T. Mawsor, DFS-FI, Ri Bhoi District.
Nga kwah leit kato ka free training jong ka Salon ha Umsning Ribhoi ki ong ha U September ban sdang te sngewbha iarap ia Nga kumno ban leh
nga kwah training fast food te kumno nga lah ban ioh training?
Nga kwah ban leit kato training bakery lane poultry farm ka sdang lano
nga kwah training Shna mombati Candle making