Hap ka trok kit maw, ha ka riat kaba jylliew ha riat Rngain

Shillong: Kawei ka trok kit maw, kaba don ia u number ML 05 M 0992, ka la hap sha ka riat kaba jylliew, ha Rngain, ha ka jaka kaba don hajan u mawkhong, lane kaba la ju tip, kum ka thiep Mawkhong.

Katei ka jingjia, ka dei ha ka por 4 baje mynta ka janmiet bad ia katei ka kali, la niah da U bah Sabaiti Lapasam (31).

Ka jinghap jong ka kali, ka la jylliew bha, hynrei u nongniah, u sahkut ha shiteng riat bad la sngewthuh ba ula mynsaw jur, na katei ka jingjia.
Ki pulit ka Pynursla, ki la leit mar mar sha katei ka jaka jong ka jingjia bad la iathuh ba la pynkit ia uba mynsaw sha Civil Hospital, Shillong.