Shillong:Ka Khatarshnong Area Sports Club ka ioh ban plie ia ka Referee Workshop Programme hapoh shnong Swer mynta ka sngi 28 tarik Kyllalyngkot 2021.
Ia kane ka pro kram, ai jinghikai ia ki samla kaba 3 sngi ha ka liang kumno ban pyniaid ia ka phutbol la plie da U Bah Malcolm uwei na ki riew rangbah uba ieit bha ia ka phutbol.
Na ka liang ka KASC ka la khot ia U Bah Gavin M Mylliemngap MLA ban long kum u kongsan, hynrei u la pyntip ba dalade, ba um lah ban wan ba u don programme sha wei, hynrei kum u nong mihkhmat pat u la phah ia U Bah Malcolm ban wan ban plie.
U Bah Malcolm kum u kongsan ha ka jingkren,u la kyntu kynpham ia ka Khatar shnong Area Sports Club ba kan trei shitom wat la shibun ki jingeh khnang ba kan long ka jingmyntoi ia ki samla ha ka thaiñ hi baroh kawei.
Shuh shuh u la ban jur ia ka sorkar lyngba ka Sports Department ba kan shim khia ia ka jingeh jong ki referee namar ba ka kam ban long kum ki referee ka dei ka mon sngewbha namar haduh mynta kim ioh jingiarap satia lait na kaba shu ai sngewbha da kiba don ka mynsiem ban iarap. Ha jingshisha, ka State Meghalaya ka dei ka state kaba sei bun ki player ha ki club ba heh ka ri nalor ba ka dei lypa kaba la ioh jingieit na ki paidbah ha ka liang ka Sports. Kumta u la ban jur ba lada ka sorkar kan thaw da ki policy ban iarap ia ki referee ha ka dur ka stipen kan long ka jingmyntoi kaba khraw ia ki samla kiba thrang ban long kum ki referee.
Ha kane ka sngi la ioh ka jinghikai na U State Referee bah Iakmenlang Wankhar bad Bah Jeffrey James Shabong.
Ia ka jingialang lyngkot la pyniaid da u President bah Khambit Sing Khongshei bad la ioh jingkren khyndiat na U Genl Secretary Samla Iamangstone Mawkhiew.
Phi don ban ong eiei?