Ym don ka jingiapait ha ka seng BJP

Shillong:U Bah AL Hek uba dei u nongialam jong ka Bharatiya Janata Party(BJP) bad u MLA jong ka Pynthor umkhrah, u la ong ba ym don ka jingiapait ha ka seng, hynrei ka party ka long beit kawei.

U Bah Sanbor Shullai u la ong ha ki lad pathai khubor, ba ka seng hi kam don jingtip ia ka jingkren shimet jong u Bah Ernest Mawrie uba dei u President ka seng BJP Meghalaya, halor ka jingdawa ka jong u ban hiar shuki noh u Bah Lahkmen Rymbui khnang ba ka jingtohkit ia kito ki 6 ngut ki nongbylla kiba la khlad noh ha ka krem tih dewiong ha East Jaintia Hills District ha ka taiew kaba la dep kan long kaba shai bad u Bah AL Hek u sngew iahap ia kane ka jingong jong u Bah Sanbor ba ka jingkren jong u Bah Ernest ka long ka jingkren ba shimet ym jong ka seng.

Shuh shuh u Bah AL Hek u la ong ba baroh arngut ki don la ki jong ki jong ki jingsngew, hynrei shwa ban iakynnoh ia kano kano dei ban da don da ki sakhi satar kiba biang.