Shillong:Ka tnat pule puthi ka sorkar Jylla, ka pynbna ba baroh ki skul higher education, lane ki kolej ba kin sdang ban plie noh, naduh ka 1tarik Rymphang 2021.
Ha kane ka jingplie ki klas, kan long ha ka blended mode lane kaba long online bad offline bad katei ka long ka jinghikai, lane ka jing ai lynnong kot, ka jing ia syllok bad ki samla pule nalor kiwei pat.
La bthah ruh ba ki kmie ki kpa, ki dei ban mynjur na bynta katei ka jingshim klas bad ym dei ban pynbor ia ki samla ba kin wan sha ki jaka pule, khlem ka jing mynjur ki kmie ki kpa. Ki bor pyniaid jong ki kolej, kin ia syllok bad ki samla pule, ki kmie ki kpa, ki bor pyniaid ka District Health Official bad ki bor pyniaid shnong ruh.
La ai jingmut, ban pynlong klass 3 sngi ha ka shi taiew bad nangta sa ar sngi, ha ka jing pynkhreh ki samla ha iing. La bthah ia ki samla pule bad ki nonghikai, ba kin deng mask bad ba kin ia shong jngai ruh iwei na iwei pat, haduh hynriew phut.
Phi don ban ong eiei?