Elekshon District Council, ba khlem seng, ong ki nongsynshar hima

Shillong, 11’lyngkot:
Ki khlieh Nongsyn shar ha ka jingiakynduh bad ki nongthohkhubor ha ka sngi saitjain jong ka taiew ha Shillong Press Club, ki la pynpaw ba ki kwah ba ia ka elekshon ha ki district Council dei ban pynlong noh kum ba pynlong elekshon ka tnad Municipal kata ka mut ba ki briew kiba ia khun ha katei ka elekshon kim dei ban ia khun na kano kano ka seng sain pyrthei.
Ki khlieh nongsyn shar hapoh ka jingialam u chairman jong ki u bah john F Kharshiing ha ryngkat ka jingdonlang u Bah Harlinjai Skhem lon, Sirdar Hima Mawdon & Secretary, Federation of Khasi States, u Bah FH Mylliem Pdah, Myntri Hima Khyrim, u Bah R Mawiong, Secy, Raid Ri Hynnriew Kur, Hima Khy rim, u Bah Jester Khyriem mujat, Rangbah Shnong, Nongmadan Smit, ba ki Khlieh Nong synshar ki la leit ban ia kynduh ia baroh ki nongialam seng sain pyrthei bad ki la phah ruh ia ki mat kiba donkam ban ia kren sha ki. Ha ka jingthoh ba ki la phah ki la suhlang ruh ia ka kopi jong ka Gazette of Meghalaya, kaba 4 tarik u iaiong, 2000, kaba ka sorkar UDP ha kato ka por hapoh ka jingialang u bah EK Mawlong kum u myntri rangbah ka la wanrah ia ka jingiatai ban pynkylla ia ka Meghalaya Municipal (Amendment) Act 2000, kaba la kdew bay m shah ia kino kino ki ba ia khun elekshon ha katei ka tnad ba kin ia khun na kano kano ka seng sain pyrthei kaba la ithuh da ka election Commission.
Ki khlieh nong synshar ki la iathuh ba ki la dep ia kren bad ia syllok bad ki seng sain pyrthei ha ka sngi saitjain halor katei ka nongrim bad ka la ia kynduh ruh ia u
president ka UDP u Dr Donkupar Roy, halor katei ka kam. Ki la pyntip ba kin sa ia kren khambha ia katei ka kam lashai ka sngi ha ka por 1 baje mynsngi, khamtam namar ka jingkhot jingialang u myntri rangbah u Dr.Mukul Sangma ha ka 16 tarik mynta u bnai. Ki khlieh nongsynshar ki la kyrmen skhem ba ka sorkar ha ryngkat ki seng sain pyrthei kin kin shim ia ki rai kiban pynneh, pynsah bad pynjanai ia ki Riti Dustur ba kyrpang jong ka jaidbynriew, khamtam haba baroh kine ki seng sain pyrthei ki la dep kular lypa naduh ki por mynshwa hapoh ki  mat treikam jong ki.