Thung ka sorkar ia U Mehta, kum u DGP ka jylla

Shillong, 9 ’lyngkot:
U Rajiv Mehta u la shah thung kum u Director General of Police (DGP) ba thymmai ka Meghalaya.
U Mehta u dei u ophisar IPS jong u snem 1981, ka Assam-Megha laya uba bat mynta kum u Director General ka Narcotics Control Bureau (NCB).
Haba pynthikna ia kane, ka khubor sorkar ka la iathuh ba ka sorkar jylla lyngba ka tnad kampohiing ka jylla ka la pynmih ia ka jingthoh halor kane ban pynskhem ia u Mehta kum u heh pulit ka jylla.
“Ia kane ka jingthoh na ka sorkar jylla la phah ruh sha ka tnad kam pohiing ka ri”, la ong ka thymmei khubor sorkar.
U Mehta u dei uba pas na St. Columba’s bad St Stephen’s College na Delhi. U la hikai ar snem ha Lawrence School, Sanawar shwa ba un pyndep ia ka eksamin Indian Police Service.
U Mehta u la shakri ruh ha ka tnad Indo-Tibetan Border Police (ITBP) kum u IG, bad ruh kum u nongai jingmut ka Indian Mission ha ka European Economic Community ha nongbah Brussels, ka Belgium.
U Mehta u shimti ia kane ka kam DGP ka jylla hadien ba la shong thait noh u PJP Hanaman uba shong thait ha u bnai Nohprah ba la dep.