“Pei thliew ka surok ha Don Bosco ba bthei u nar um”

Shillong, 9 ’lyngkot:
Ka surok ha Don Bosco Square ha Laitum khrah dang ha kine ki sngi ka la pei thliew napdeng bad kane ka la buh jingma ruh ia ki paidbah bad ki kali kiba iaid lynti na kane ka surok. Haba ia kren bad u Enjiniar ka Megha laya Urban Development Authority (MUDA) u bah P War, u la iathuh ba kane ka jingpei thliew ka surok kaba don ha Don Bosco ka la jia, namar ba bthei syndet u nar um jong ka
Shillong Municipal Board ba don shapoh khyndew. ”Ka jingpei thliew ka surok ka dei namar ba bthei u nar um ka Municipal ba heh kumba 4 inchi”, la iathuh u bah War.
Katkum ka jingiathuh u bah War, u la ong ba katei ka jingjia kam dei satia na ka jingleh torti jong ki nongtrei ka MUDA kiba shna ban buh home paip hapoh khyn dew ban pyniaid ia ka um.
“Ngi la leit ban jurip ban bishar bniah ngi shem ba ka jingpei ka thliew ka dei ba kynjat ka um ba pei na u paip ka Municipal ba sam um sha ka thain Laitumkhrah”, la ong u enjiniar ka MUDA bad bynrap la bthah ia ka Municipal ban moramot.
Ia u home paip la buh ma ngi, hynrei ban siang ia ka rong la leh da ka PWD, la ong u enjiniar ka MUDA.
Lah ban kdew ba kane ka jingmih um na ka jingpei thliew ha katei ka jaka paidbah ka la wanrah ia ka jingthnum ia ka jingtrei naba ka la buh ia ka jingma ia ki nongleit nongwan kiba lah ban mih kano kano ka jingjia.
Ka CSWO hapoh ka jingialam ka Kong Agnes Kharshiing ka la pynpaw ia ka jingkyndit ia kane bad ka la kynnoh ba ka dei ka jingleh torti jong ka tnad MUDA kaba pyntrei ia katei ka kam. Ka Kong Kharshiing ka la pan jingtip ruh da ka ain wad jingtip (RTI) halor katei ka jingjia ban wad ia kaei kaba la pynlong ban pei kynsan ka thliew ha katei ka jaka.
Ha kawei ka pat ka liang, u enjiniar ka PWD u la iathuh ba ka tnad kam don bynta eiei halor katei ka jingshna ia katei ka jingbuh ia u home paip bad baroh la leh da ka MUDA.