Rai ka iing bishar ban set phatok 3 snem, ia uba thmu batbor

Khliehriat:Ka iingbishar jong ka District Session Court lyngba ka Special Judge na ka bynta ka POCSO Act, ka la rai ban set phatok ia uwei u briew uba la tip kyrteng kum u Ganesh Sutnga uba la don jingthmu ban pynjot ia ka jinglong sotti kawei ka khynnah kaba dang rit rta kaba la jia ha East Jaintia Hills.

Ka Special Judge ka la pynmih ia ka hukum kaba ha ka 19tarik Kyllalyngkot, 2021 ban rai set along ia u haduh 3 snem kynthih.

Kumban shu pynkynmaw, U Ganesh Sutnga u la thmu ban leh ia katei ka kam pohjait dei ha ka miet 15tarik Lber, 2014 bad hadien ka jingujor sha ki pulit, ki pulit ki la pynngat ia u hapoh ka POCSO Act.