La dep ujor pyrshah ka KHADC ia ka rai ka High Court

Shillong, 7 ‘lyngkot:
Ka KHADC ka la ujor ha ka Division Bench ka High Court ka Meghalaya pyrshah ia ka rai ba dang shen kaba la sloit ia ka iktiar jong ki nongsynshar shnong ha ka jylla.
“Ngi la ujor ha ka Division Bench ha kane ka sngi Hatmajai”, la iathuh u CEM ka KHADC u Bah Adelbert Nongrum mynta ka sngi. U CEM u la ong ba ka Council ka pyrshah jur ia ka rai jong ka kynhun nongbishar ba marwei jong ka Kashari High Court ba ki nongsyn shar shnong kim don ka ain ba la thoh.
“Ka Kashari ka dei ban burom bad ban pynskhem ia ka rukom synshar kaba la saindur ha kane ka ri naduh myn shwa” , u la ong u CEM ka KHADC.
U Bah Nongrum u la ong ba ka Kashari High Court jong u nongbishar SR Sen ka la pynbna ia ka rai kaba jia tang ha kawei ka shnong kaba la dep iasuk.
“Ngim lah ban pynlong kumjuh ia baroh kinongsynshar shnong tang namar kawei ka jingjia. Nga suba jur ba ka don eiei kaba rieh pyrshahia ka jaitbynriew”, la ong u CEM.
U Bah Nongrum u la iathuh ba u la khot ia kajingialang jong barohki seng ha kane ka sngiThohdieng ban iakren ia kane ka rai jong kaKashari High Court.”Nga sngew ba ki seng sain pyrthei ki dei ban iatylli ban iakhunpyrshah ia kane ka rai jong ka Kashari,” la ong u Bah Nongrum. Ha kajuh ka por, u CEM u la iathuh ba u la iakynduh ia u myntri katnad District Council Affairs u Bah HDR Lyngdoh ha kaneka sngi Balangban kyntu ia u ba ka sorkar ka dei ban pdiang noh ia ka Khasi HillsAutonomous District (Village Administration) Bill, 2014 kaba sahtenghaduh kine ki sngi. Ha u Jylliew mynshem snem, ka KHADC ka la phah ia ka Khasi HillsAutonomous District (Village Administration) Bill, 2014 sha ka sorkar
jylla lyngba ka tnad District Council Affairs (DCA)ban ai noh ia kajingmynjur. U Bah Nongrum u la ong ba ka jingpas ia kane kaBill ka long kabadonkam ban pdiang noh ha kane ka por kaba ka Council ka laiakynduh iaka jingiatynjuh hadien ba la pynmih ka Kashari ia ka rai ban pynsloitia ka iktiar jong ki nongsynshar shnong. Katkum ka jingong u Bah Nongrum, u Myntri ka tnad DCA u la kular banleh kloi ia kane ka kam ban pynurlong noh ia katei ka Billjong kaCouncil. Halor ka jingdawa ka UDP ban pynkylla biang ia ka Bill, u BahNongrum u la ong ba ka EC ka pdiang ia kano kano ka jingai jingmut na
ka bynta ban pynbha shuh shuh ia ka.
“Lada don kano kano ka jingdkoh, ki lah ban wanrah ia ka jingpynkylla hadien ba la pynlong ia ka ain”, la ong u Bah Nongrum.