Ha ka 23 tarik yn iakynduh ka seng BJP bad u Amit Shah

Shillong: Ka seng BJP Meghalaya kan iakynduh markhmat bad u Myntri ki kam pohiing ka Ri India, u Amit Shah ha ka 23 tarik u Kyllalyngkot 2021 ban iakren halor ka mat kaba la ktah mationg ia ka Jaitbynriew ka jong ngi kata ka Inner Line Permit(ILP) ha ka jingwan ka jong u sha ka jingialang bah jong ka North Eastern Council(NEC).

Shuh shuh u Bah AL Hek u la ong ba na ka liang jong ka BJP Parliamentary Party bad ka BJP State Unit Meghalaya, ki la buh ia ka jingiakynduh bad une u Myntri kam pohiing ban iakren ia baroh ki ishu kiba dei na ka bynta ka bha ka miat jong ka jylla kita ki long ka ILP, haba iadei bad u Vice Chancellor ka NEHU, ka roi ka par bad kumta ter ter kiba ka BJP ka la dep pynkhreh ban iakren bad une u Myntri kam pohiing ha katei ka sngi.