Yn peit bniah ka Sorkar Jylla la ka long ne em ban weng noh ia ka odd, even ki kali

Shillong: Kumba ka long mynta, ki kali kamai ki ioh ban kamai tang lai sien ha ka shi taiew, namar ka jingdon jong ki odd bad even nombar.

Na ka liang ka Sorkar Jylla, kan sa shong jingialang biang sa shisien ban iakren la kin weng noh ia ka jingiaid odd bad even nombar khnang ba ki taxi kamai kin ioh lad biang ban kamai kumba ju long man la ka por.

U Bah Prestone Tynsong, uba long u Deputy Chief Minister jong ka jylla u la ong ba ym tang ki trai kali kiba ud, hynrei wat ki paidbah kiba shong kali ruh ki la kyrpad bad ud sha ka sorkar jylla ba ka kiew palat ka bai kali.

Ka jingkiew ka bai kali ka long hadien ba ka Sorkar Jylla bad ka tnad Transport ka la hukum ia ki nongniai kali ba kin pynduna noh ia ka jingkit briew bad ka jingdon ia ki odd bad even nombar ruh kadei kawei ka daw ha kaba ki trai kali ruh ki hap siew ia ka tax kumba ju long man ka por.
Kumta ka Sorkar Jylla kan shong bad peit bniah shwa la ka la long shngaiñ ban pyllait bad weng noh ia kine ki hukum hadien da ki la dep ia shong jingialang ban peit bniah.