Ka sorkar kan nym iakren ia ki jingdawa ki kaikhlaw: Mukul

Shillong, 6 ‘lyngkot:
U Myntri Rangbah ka jylla u Dr Mukul Sangma u la ong ba ka sorkar kan nym iakren ia ki jingdawa jong ki kaikhlaw kiba tyrwa ban wan iakren bad ka sorkar.
“Ngi ieng beit ha ka nongrim ba ka jingkhot iakren ia ki seng kaikhlaw ka long ban ailad ia ki samla ba shah ialam bakla ban wan haka jingim ba ju long”, laong u Myntri Rangbah haba kren ha kane kasngi Hatmajai.
U la ong ba ka don ka lad ia ki samla kiba iasoh bad ki sengkaikhlaw ban wan shakhmat ban im ka jingim ba thymmai.
Halor ka jingtyrwa ka HNLC ban sangeh iasiat, u Dr Mukul u la ong ba namar ba ka seng HNLC ka dei ka seng ba la khien beain, ka sorkarjylla bad ka sorkar pdeng kin hap ban iashong lang halor kane banbishar ia kaba dei bad kaba lait.
“Nga kyrmen ba ki dak ki shin ba bha kin mihha kine ki sngishen”, la ong u Myntri Rangbah.
Ha kajuh ka por, u la ong ba la don ki dak ki shin kiba la iaid haka lynti kaba bha ha Garo Hills hadien ba la wan pyndem wait ka ANVCbad ka ANVC-B. ‘Ka jingpynduh noh ia kine ki ar tylli ki seng kaikhlaw ka la pynshlur ia ki samla ba shah ialam bakla ban wan sha ka lynti kaba thymmai”, la ong u Dr Mukul.
“Ngi kyrmen ba ka jingsuk kan wanphai biang ha Garo Hills”, u la ong.