Nongpoh:Ka Dong Lum thurih, ka la ioh ban rah ia ka namlahduh ha ka Pahamsyiem Inter-Dong Football League 2020-21, kaba la pynlong da ka Pahamsyiem Sports and Cultural Club (PSCC), kata hadien ba ka la lah ban pynliem noh pyrshah ia ka Dong Mawkapiah da 2-1, ha ka jingiakhun phainal kaba la long hynnin ka sngi Saitjain ha madan Pahamsyiem.
Ka khana halor katei ka phainal hapdeng ki dong hapoh katei ka shnong, ka long ba ka kylla step jong ka jing iakhun ka la kut noh da ka jingiakhaid kaba 0-0, hynrei ha ka kylla miet ka jingiakhun, ki rangia lehkai na ka Dong Lum thurih, ki la iohi ia ka kabu ban thep kol ar-kol, katba ka Dong Mawkapiah, ka la ioh ban pynphai tang shikol, kaba la pynlong ia ka Dong Lumthurih, ba kan pynliem noh pyrshah ia ka Mawkapiah da 2-1.
Kiba la sakhi lang ha katei ka sngi, ki kynthup ia u Bah Mayral Born Syiem, MLA Nong poh kum u kongsan, u Bah Lambok Rymbai General Secretary ka KSU North Khasi Hill District kum u symbud kongsan, nangta kiwei pat ki riew pawkhmat ka thain Nongpoh, kiba kynthup ia u Bah J. Lyngdoh Rang bah Shnong ka Pa hamsyiem, Bah Wan phrang Sumer, Assistant Rangbah Shnong, Bah Marcus Marten President ka HNYF Northern Region, u samla B. Khar shanlor Vice President ka PSCC lem bad kiwei.
Ka Dong Lum thurih kaba la ioh ban rah ia ka namlahduh, ka la ioh ban khur ia ka song pisa kaba T.10000/- ryngkat ka trophy, katba ka Mawkapiah kaba la rem ka la ioh ban khur T. 5000/- ryngkat ka trophy, nalarkata la sam ruh ia ki khusnam shimet sha kito ki rangialehkai, kiba la iohi ia ka nam kum Best Player, Best Goalkeeper bad Top Scorer.
Phi don ban ong eiei?