Ioh ïing Dorbar ka shnong Umbi Mathan

Nongpoh:Ka la long shisha ka jingkmen kaba khraw ia ki paidbah ka shnong Umbi Mathan, namar ka jingapkhmieh lynti jong ki ban ioh Iing Dorbar, ka la wan ban urlong hynnin ka sngi Saitjain, kata ka long hadien ba u Bah Mayrald Born Syiem, MLA Nongpoh, u la leit ban plie paidbah ia katei ka Iing Dorbar hapoh katei ka shnong.

Ia katei ka Iing Dorbar kaba la plie paidbah hapoh katei ka shnong, u MLA Nongpoh, u la pyn mang kyrpang lyng ba ka skim SRWP, ha ka jinglut kaba la poi kumba T. 2 lak ei ei, hynrei namar ba ka dei ka shnong kaba ym pat don Iing Dorbar, katei ka jinglah jong u ban pynioh Iing Dorbar, ka la long shisha ka jingkmen ia ki paidbah katei ka shnong.

Kiba la donlang ha katei ka sngi, ki kynthup ia u Bah Alfred Langi, rangbah shnong Umbi Ma than, nangta u Bah SD Matong, uwei na ki riew pawkhmat ka thain lem bad kiwei pat ki nongialam shnong ka thain.