Shillong, 5 K’lyngkot :
Lai ngut ki nongtuh ba la tap jainiong ki la leit ban lute ia kawei ka dukan jong ka kong Khlorida Wanniang ha shnong Dangar Phud Bhomal ka thain Balat ha ka miet 2 tarik Kyllalyngkot por 7 baje janmiet.
Kine ki runar ki la rah da ki tiar ialeh, ha kaba ar ngut ki rah da ka wait khukri katba uwei u rah da ka suloi.
Ki la shoh la dat ia u lok jong I Kong Khlorida u Bah Diretsing Disiar bad ki sa lute bad ioh khung T. 30 hajar. Ym tang katta, ki la byrngem ruh ba ka dei ban pynbiang ar lak ba kin wan shim ha ka 8 tarik Kyllalyngkot. Ia kane ka jingujor la ujor ejahar ha Danger Police Outpost.
Phi don ban ong eiei?