Ka por bujli iit khmat, ka la kut, la mih ki iit khmat thymmai na US

Ka por ban bujli iit khmat, katto ka la kut, hynrei, da kawei ka iit, yn lah ban pyn donkam, katba kum ka jing donkam jong ki khmat.

Ka kompeni na America, ka la lap ia katei ka iit khmat, ha kaba yn lah ban pyn kylla, katba kum ka jing donkam jong u nongdeng, tang da kaba shu nion, kumba nion ia ki number phone.

Lyngba katei ka buit, yn lah ban pyn beit ia ki iit khmat, ha ka por ba pule kot, por niah kali, pule ba peit telebishon bad kiwei kiwei.

Ka kompeni Voy, kaba na United States, ka khot ia kitei ki iit, kum ki nano bad kitei ki iit ki shongdor $79 (£59) bad kitei ki iit khmat, kin lah ban pyn iahap naduh ka bor jong ki khmat, kaba long naduh -5D shaduh ka +2D.