Na Assembly Committee sha ka Sub-Committee

Shillong, 4 K’lyngkot:
Ka Committee kaba thaw da ka Assembly ban buddien ia ka jingiakhun ban pynrung ia ka ktien Khasi ha ka 8th Scheduled ka riti synshar ka ri, ka la thaw sa ia ka Sub-Committee kaba kynthup 4 ngut ki dkhot.
Ki saw ngut ki dkhot kane ka sub-committee ki kynthup ia ka director ka tnad pynneh kolshor bad riti dustur ka kong Matsiewdor War Nongbri, nalor u Executive Chairman ka MBOSE U EP Kharbhih, u Dr. Sylvanus Lamare na Sahitya Akademi bad u dkhot barim ka Sahitya Akademi u Bah S. Quotient Sumer.
“Ka sub-committee kan iakren ia ki kyndon bad ki jnit ki tnad kiba donkam ban pynrung ia ka ktien Khasi ha ka Eight Schedule”, la ong ka Kong War.
Ka la iathuh ba ka sub-committee kan aiti ia ka kaiphod hadien ba la pyndep ia ka kam.