Rakhe ka BJP Meghalaya ba dap 6 bnai ka sorkar NDA

Shillong, 4 K’lyngkot:
Ka BJP Meghalaya ka la pynlong ia ka jingrakhe dap 6 bnai ka sorkar NDA ba la ialam da u Myntri Rangbahduh ka ri u Narendra Modi. Ha kane ka jingrakhe, la pyniaid da u president ia ka jingialang Bah Khlur Singh Lyngdoh.
Ha kane ka jing ialang u Bah Lyngdoh u la kdew ia ki mat jingjop jong kane ka sorkar ba la ialam da u Narendra Modi hapoh 6 bnai. U la ong ba u Narendra Modi u la pynduh ia ka Group of Minister ba thaw da ka sorkar UPA.
U la pynshlur ban iasyllok beit bad ki secretary ban shim ia ka rai.
U la ong ba haduh T.7060 klur la ai bhah na ka mang tyngka na ka bynta 100 tylli ki nongbah ha ka ri. U Modi u la pyntreikam ruh ia ka skhim pynkhuid ia ka India.
U la pyntreikam ruh ia ka Pradhan Mantri Jan Dhan Yojana ha kaba4.58 klur ngut ki la plie bank account ha jaka nongkyndong bad 3.14klur ha jaka sor.
Ka BJP Meghalaya ka la ong ruh ba u MyntriRangbahu la pyntreikam da ka polisi kaba larkam bha ha kaba ka Pakistan ka la ioh ia ka jubab na kaba ka la leh ha LOC.
Ka jingpynkup burom ki paidbah ha America, Japan bad Australia ia u Myntri Rangbahduh ka ri, ka la pynsarong ia ka ri India. Ha ka por kaba lyngkot, ka jinglong Myntri Rangbah u Narendra Modi, la lah ban
wanrah ia ka ophis ka Passport ha Shillong.
Ha kane ka sngi,la ioh ruh ia ka jingkren na u President barim Bah H.S.Syiemlieh bad kiwei ha kane ka sngi kiba pyrto ia ki kam jong u Modi ha kine ki snem.