Ba shad shiteng synnia khang kali sha Khyndailad

Shillong, 30 Nohprah:
Namar ka jingshad shiteng synnia ka ban long ha Khyndailad u SP ka East Khasi Hills u bah M.Kharkrang u la pynbna ba yn khang ia baroh ki kali ban rung sha khyndailad naduh ka por 8 baje mynmiet jong ka 31 tarik mynta u bnai. Ki pulit ki la pynbeit ba ki kali kiba wan na Umsohsun ki hap ban rung sha Rhino Point lyngba ka Bocher Road bad ki hap ban mih na Grand Hotel, ki kali kiba wan na Iewduh ruh ki hap ban iaid na ka juh katei ka lynti.
Katba ia ki kali kiba wan na Jail Road bad Police Bazar yn shah ba kin rung, katei ka jingpynbeit kali ka long ban peit ba kan ym don kano kano ka jingjia aksiden ha ka jaka ba pynlong ia katei ka shad siteng synnia, la pynbeit ia ki kali ba wan ban ia shim bynta ha ka shad ba la shah ban ieng ha MUDA parking Lot pyrshah ka State Bank of India, Main Branch , Shillong, ha Addl. Secretariat Parking Lot pyrshah ka ophis BSNL bad ha shi lynter ka surok jong ka All India Radio bad MBOSE Office.