Nongpoh: Ha kawei ka jingjia aksiden kaba la jia hynnin ka sngi ha 13mer, Byrnihat, uwei u rangbah uba la tip kum u Indra Bahadur Bhujel (41) snem karta, u la khlad noh hashen, hadien ba u la shah syllad ha kawei ka Scooty kaba don ia u no AS-01-D0-5134.
Hapoh katei ka Scooty, ki don arngut kiba shong bad kitei ruh ki la mynsaw ha katei ka jingjia, la ong ba ka daw kaba la pynlong ia katei ka Scooty ba kan syllad ia utei u rangbah, ka dei namar ba la pynher stet palat da utei u nongniah.
Utei u briew uba la khlad noh ha katei ka jingjia aksiden, la ong ba u dei uba na ka shnong Darang Assam bad u ba trei kum u nongpahara hapoh ka Mahindra Showroom kaba don ha 13mer.
Phi don ban ong eiei?