Kwah kali synreit um ka KSU

Mawryngkneng, 30 Nohprah:  
Namar ka jingbymdon ka Fire service station kaba hajan kaba don sha ka thain Mawryngkneng , ka KSU Mawryngkneng Circle ka dawa na ka sorkar khamtam na ki bor ba dei peit ba ki dei ban wanrah noh ia kawei ka Fire Service Station hapoh ka shnong Mawryng kneng.
Ka KSU ka la ong ba kumba long mynta lada don kano ka jingpluh iing ha kane ka thain, hap ban ap ia ka kali synreit um kaba wan na Shillong  bad kane ka la shim por bha ban poi ha ka jaka kaba ka jingpluh iing bad kam lah ban poi ha ka por kaba biang. Kaei kaba jia ia ka jingpluh iing hapoh shnong Puriang ha ka janmiet jong ka 27 tarik mynta u bnai kat ban poi ka Firebrigade ha kane ka jaka  baroh ki lah iingkhong lut, ong ka KSU. Kumta na ka liang ka KSU Mawryngkneng Circle ka pynpaw ka por ka la donkam ban wanrah noh ia ka Fire Service station hapoh shnong
Mawryngkneng bad haba iadei bad kane ka seng kan sa leit kynduh shen ia ki bor badei peit kumjuh ia ki nongmihkhmat paidbah jong kane ka thain. Ha kawei ka liang ka KSU Mawryngkneng Circle hapoh ka jingialam u President bad Secretary jong ka circle u samla Really S Nongspung bad u samla Shiningstar Kharbihkhiew hynnin ka 29 tarik ka la kner ia ka kti jingiarap sha kane  ka longiing  kaba kynduh  ia kane ka jingjia bad noh synniang da u khaw bad ka song pisa na ka liang ka seng.  Na ka liang ka seng ka kyrpad ruh ia kiwei kynhun bad riewshimet ban kner ia ki kti jingiarap ia kane ka longiing,