Shillong:U samla Batista Khongthah, uba na ka shnong Lyndem, jong ka Pynursla Civil Sub Division, ula shah jied sha ka jing iakob rwai hindi, ka ban pynlong shen ha ka nongbah Delhi.
U samla Batista, uba 38 snem ka rta, un leit ban iakhun ia ka India’s Talent Fight Season 2 bad ula shah jied ha kane ka jing iakhun ha U Naiwieng 2020.
Haba iakren bad U Rupang, utei u samla, u iathuh ba ula shah jied ha u snem ba ladep, ha kaba ula phah ia ki jingrwai hindi, kiba u la rwai, da ka video. Kham mynshwa, la iathuh ba un hap ban leit sha Uttarakhand, ha une u bnai Kyllalyngkot, hynrei, lehse na ka daw jong ka jingpang, kim pat shym la pynbeit thikna satia ia ka jaka bad ka tarik ruh kumjuh.
Haduh mynta, u iathuh ba ula duriap bha ialade, ha kaba praktis, ia kitei ki jingrwai hindi bad ki don shiphew tylli ki jingrwai, kiba ula pynkhreh bha haduh mynta. Ia ka tarik bad ka jaka, kaba thikna, ki nong pyniaid jong katei ka jing iakhun, kin sa pyntip, ong shuh utei u samla.
Haba peit na ka post jong U bah Kitbok Thabah, u nong ialam ka AMDA, ha kaba u buh ha ka facebook peij, ula thoh ba u samla Batista, un leit iakhun sha Delhi.
Phi don ban ong eiei?