Ym pat don bird flu ha ka Jylla

Shillong:U symbud myntri rangbah ka jylla u bah Prestone Tynsong, u la ong ba kam pat don ka khlam Birdflu ha ka jylla, hynrei ban iada ia kane ka khlam ka sorkar jylla, ka la phah ban khang ia ka jingwanrah ia ki syiar bad ki pylleng na shabar ka jylla Meghalaya.

Haba ia kren bad ki lad pathai khubor u bah Prestone, u la ong ba hynnin ka sngi ka sorkar ka la pynmih ia la jingbthah ban khang ia ka jingwan rah ki syiar na shabar ka jylla khamtam na Western Assam ka ba long khappud bad ka West Bengal. U la iathuh ruh ba haduh mynta ka jylla ka dang duna ha ka jingpynmih ia ki syiar bad mynta ki don tang 51 lak ki syiar kat kum ka census ba la ioh lum bad ka jylla ka dang duna kumba 40%.

U la ong ruh ba na ka liang ka sorkar MDA, ban kyntiew ia ka kam ri syiar ha ka jylla kan sa pynlong ia ka Poultry Mission khnang ba ka jylla kan ym donkam ban wanrah ia ki syiar na shabar ka jylla.