Wan sa ki hati na Assam, ban pynjulor ia ka shnong Daistong

Shillong:Ha ka miet 12 tarik mynta u bnai, 13 tylli ki hati khlaw kynthup kiba heh bad barit ba dang 3 saw bnai ei ei, ki la leit sha shnong Daistong bad pynjot ia shibun ki jingthung ki briew ba ki rep ha ki kper. La iathuh ba ki briew na ka tnad wildlife ba don ha Khliehriat, ki thaw lad ban beh ia ki sha jngai hynrei kim lah bad kitei ki iai sah la katto katne bnai sha kine ki jaka khlaw ka Nongkhlieh Sumer.

Kham mynshwa, ki ladep wan teng ha ka miet 17 tarik u Naiwieng 2020 bad pynjot ia ki ing phlang basah rep ki briew, ki jingthung kum u phan, u synsar, u sying, u pathaw, ka kait lem bad kiwei kiwei.

Kine ki hati ki ladon kumba lai saw bnai ei sha kine ki khlaw Sumer nongkhlieh bad ki briew ki ong ba kiwan na shiliang ka wah Kupli ne Assam, ong ka kyrwoh na U Secretary Shnong Daistong, Ma Vestperson Sutnga.