Kiew kiba ioh pang corona ha Psiar, ha Pohkseh, na ki 18ngut

Shillong:Kiba ioh pang corona thymmai mynta ka sngi, ki long 18 ngut bad kitei ki kynthup ia 13 ngut na East Khasi Hills bad 5 ngut na West Jaintia Hills, katba kiba jem na ka jingpang, ki long 9ngut, ha kaba 8ngut ki dei na East Khasi hills, bad iwei na West Jaintia hills.

Kiba don ia ka jingpang ha ka jylla, ki long baroh 160 ngut, ha kaba ka East Khasi Hills, ka don 116 ngut, ka West Khasi Hills 2 ngut, Ribhoi 3 ngut, West Jaintia Hills 30ngut, East Jaintia Hills 3ngut, North Garo Hills 4 ngut.
Baroh kiba la jem ki long 13365ngut bad kiba iap, ki long 144ngut, ha kaba u don uwei uba iap mynta ka sngi, ha East Khasi Hills.

Na ki 18 ngut kiba ioh pang mynta ka sngi, ki don 13 ngut na East Khasi Hills bad kitei ki kynthup ia 3 ngut ki high risk contact, iwei na Bishnpur, iwei iba pang jyrhoh, iwei na Laitumkhrah, 2 ngut na Nongthymmai, 3 ngut na Pohkseh, 2 ngut na Rynjah. Ka West Jaintia Hills, ka don 5 ngut kiba na Psiar.

Uba iap mynta ka sngi, u dei U Abdul Gaffur Laskar, uba don 65 snem ka rta bad uba na Silchar. Utei, ula leit shah sumar ha NEIGHRIMS, ha ka 11tarik mynta u bnai bad ula khlad hynnin ka sngi, na ka daw jong ka pang khlam Covid, nalor kiwei pat ki jingpang.