Nongpoh: Myn hynnin ka miet sngi Saitjain ha ka por 10 baje ei ei mynmiet, ki runar kiba la suba jur ba ki dei na ka jylla Assam, ki la leit ban sei naiing bad rahbor bak ia u Bah Manason Doloi, uba dei ruh u Sordar ka shnong Warmawsaw, Ri Bhoi Sepngi.
Ka jingtip kaba la iohlum da u Nongthohkhubor, la ong ba kitei ki briew ki la wan da kawei ka kali, ha kaba nyngkong ki la rung hapoh katei ka iing bad shong ruh katto katne por ei ei, hynrei hadien kata la don uwei uba la leh mynleh pan um na ka kurim utei u Sordar, kumta haba katei ka kurim utei u Sordar, ka la mut ban ai um ia u, hangta hi kitei ki runar ki la sei da ki tiar pynmynsaw, kum ki Pistol bad Wait, kiba la maham ruh ia ki briew kiba don hapoh katei ka iing ba kim bit ban hylla ne pyrta briew.
La ioh jingtip ruh, ba kitei ki runar hadien ba ki la byrngem byrsit ia ki briew kiba don hapoh katei ka iing ba kim bit ban hylla, ki la wad bad khura ia ki kot ki sla ba donkam, kiba don hapoh katei ka iing bad haba ki la lap ia kita ki kot, ki shim lut bad rahbor artad ia u Bah Manason Doloi.
La ioh jingtip, ba kitei ki runar ki don kumba 6 ne 7 ngut eiei, namar ha katei ka por ba ki thmu ban rahbor ia utei u Sordar, ki napdeng jong ki, kiba rung haiing bad don ruh kiba ap shabar khlem da rung shapoh iing.
Tang mar ia ioh jingtip halor katei ka jingjia shah rahbor u Sordar Warmawsaw, ki Pulit Ri Bhoi, ki la hiar mar mar sha katei ka shnong.
Ah bapli u rang bud kynthei jaitkmie ….u bym juh pynthymmai iala ka Bor sah kur Haka ban long nongtrei iaka kynthei jait kiwei….kunene hi ….Ipoh jait ka pyrthei