Ba hiar thma ka India, ha Balakot, iap 300ngut ki lehnoh, ong u heh ka Pakistan

300 ngut ki lehnoh ki la iap, ha Balakot, ha ka jinghiar thma ka India, ha ka 26tarik Rymphang 2019, ong U Agha Hilaly, uwei na ki heh sorkar ka Pakistan, ha ka jing iatai nia ha ka telebishon ha Pakistan.

Ka jingkren U Hilaly, ka dei kum ka jingsei shabar ia ka jingshisha, kaba ka Pakistan, ka la buhrieh, ba kam don kano kano ka jingiap briew, na katei ka jinghiar thma ka India.

U Hilaly, u ong “Ka India, ka la tur sha u pud jong ka Pakistan bad ka la hiar thma, ha kaba 300ngut ki briew, ki la iap” ula ong ha ka jingiakren ha ka prokram telebishon.