Pynkut ka Unitarian ia ka jingiaseng bah ba 14

Shillong, 22 Nohprah:
Ka Seng Kynthei Unitarian Union North East India, ka la pynlong ia ka Jingiasengbah ba khadsaw jong ka ha ka Balang Unitarian Nong thymmai, Shillong ha ka 20 bad 21 tarik u noh prah, 2014. La pynkut ia kane ka jingiakynduh da ka jingiaseng ba la pyn long ha Madan jong ka Nongthymmai Sports and Cultural Club, Jing kieng Nongthymmai, Shillong ha ka 21 tarik u nohprah.
Ki nongkren ha katei ka jingiaseng ki kynthup ia ka Dr. Zsofia Sztranyicki, Executive Director ka International Women Convocation of Unitarians and Universalists bad ka Rev. (Kong) Darihun Khriam, Minister ka Unitarian Union North East India.
Ha ka jingkren jong ka ka Dr Zsofia ka la iathuh ia ka bynta jong ka Balang Unitarian ha ka ban pynkupbor ia ki kynthei ha kiba bun ki liang da ka jingthmu ban kyntiew ia ka jingnang jingstad bad ka ioh ka kot jong ki. Ka la ong kat ba nangbun ki kynthei kiba la nang la stad katta ka imlang sahlang ka nang long kaba iaid shaphrang ha ki bynta kiba bun khamtam ha ka ioh ka kot bad kane kan pynduna ia ka jingleh bein bad ban bein ia ki kynthei khynnah.
Ka Rev Khriam ka la kren halor ka jingdonkam ban long kiba lehsbun bad lehisynei, ka la kyntu ba ban tei ia ka lawei dei ban sdang na la rympei bad ba pyrshang ban pynlong ia ka jinglehsbun bad ka jinglehisynei kum ka jingpynmyllen ba kynja mynsiem.La pynshongkun shuh shuh ia ka jingiaseng da ki jingrwai na ki kwaiar jong ki Balang Unitarian na Kyrdem Mawblang, Jowai bad Nongthymmai. Ha kane ka jingiaseng la pynithuh ruh ia ka Assistant Minister ba dang shu ordain shen ka Kong Riona Nongbri.