Kurup masi ki BSF, kaba shongdor T.12lak

Shillong: Hynnin ka miet, ki shipai BSF jong ka 97 Bn BSF, kiba pahara ha Sonapur, East jaintia Hills, ki la ioh bat ia 30 tylli ki masi, na kawei ka trok, kaba don kumba 2 kilometre na ka khyrdop jong ka Sonapur.

U nongniah, ula ioh ban phet bak, hynrei ki shipai, ki la ioh bat ia uwei u nongbud jong katei ka kali, uba dei u nong India. Ka dor jong kitei ki masi, kiba la ioh kem, ka long T.12 lak. La iathuh ba kitei ki dei ki masi, kiba dei ban shalan sha Bangladesh, namar ba ki don ki code ha ki met jongki. La aiti ia kitei ki masi, sha ki pulit ha Lumshnong.