5ngut kiba ioh pang na Mawprem, na ki 21 ngut ha East Khasi Hills

Shillong: Na kiba ioh pang covid thymmai, kiba don 24 ngut, ki don 21 ngut na East Khasi Hills.

Na kitei ki kynthup ia 8ngut ki high risk contact, uwei na Bishnupur bad uwei na Jhalupara, 2ngut na Madanryting, 5 ngut na Mawprem, uwei na Nongrah bad uwei uba wan phai na shabar bad sa ar ngut ki SARI Case.
Ha East Jaintia Hills, North Garo Hills bad South Garo Hills, ki don mar iwei iwei kiba long high risk contact.

Baroh kiba la dep test haduh mynta ka sngi, ki long 3,05,124 ngut bad kiba long negative, ki long 2,91,564. Kito kiba don ha ki jaka quarantine jong ka sorkar, ki long 47ngut bad kiba don ha ki jaka sah kyrpang ha iing, ki long 98 ngut bad kiba wan rung sha ka jylla, haduh mynta ka sngi, ki long 80,816 ngut.

Ka East Khasi Hills, ka don 8,395 ngut kiba pang haduh mynta bad kiba iap, ki long 117ngut. Ka Eat Garo hills, ka don 339 ngut kiba pang bad iwei iba iap, ka East Jaintia hills 529 ngut kiba iap bad ym don ba iap, ka North Garo Hills 119 ngut bad 2 ngut kiba iap, ka Ribhoi District 1,353 ngut kiba pang bad 2 ngut kiba iap, ka South Garo Hills 198 ngut kiba pang bad ym don ba iap, ka South West Garo Hills 198 ngut kiba pang bad 2ngut kiba iap, ka South West Khasi Hills 57 ngt kiba pang bad ym don ba iap, Ka West Garo Hills 1,711 ngut kiba pang bad 17ngut kiba iap, ka West Jaintia Hills 487 ngut kiba pang bad iwei iba iap bad ka West Khasi Hills 174 ngut kiba pang bad iwei iba iap.